share this article

أجدد دروب المشي الجبلي في مصر درب جبال البحر الأحمر Red Sea Mountain Trail  بقى ضمن قائمة التايمز Times لأعظم الأماكن في العالم في 2019. رغم إنه بدأ بس في أبريل اللي فات لكنه قدر يلفت الإنتباه ويحقق الإنجاز ده.

الدرب اتعمل واتطور على مدار خمس سنين عشان يكون بشكله المعروف دلوقتي. ده أخد رحلات إستكشافية كتير من المؤسسين اللي هم قبيلة المعزة في البحر الأحمر. الدرب بيقطع مسافة 170كم وبتتاخد في 10 أيام في جبال الغردقة، ويعتبر الأخ الأصغر لدرب سينا.


أهداف الدرب هو حماية الحياة القبائلية من الإختفاء وتراثها الغني عشان كده دليلك بيكون بدوي اللي بيعرفك على شكل الحياة دي. وكل الأماكن اللي بتبات فيها بتكون بيوت بدوية وممكن تقف أثنا المشي لزيارات تعرفك أكترعلى ثقافة الدرب هو أحد نماذج السياحة المستدامة لأنه بينمي حياة القبائل والقرى البدوية اللي بيعدي بيها إجتماعيا وإقتصاديا.

 بن هوفلر من مؤسسي الدرب بيقول" ده شرف إننا نشوف الدرب ضمن القائمة دي. أتمنى إن ده يساعد الدرب يكبرأكتر وإن ده يشجع مصر تهتم بنوع السياحة ده. كمان ده بيوضح إن النوع ده من السياحة قادر إنه يحافظ على التراث والإرث القبائلي المعرض للإنقاراد حوالين العالم. 

 تقدر تشوف وتعرف أكتر عن الدرب وتحجز رحلة كمان من صفحتهم على الفيس بوك

المصدر: مجلة الـ Times