share this article

العالم كله واحنا قبلهم مستنيين افتتاح المتحف المصري الكبير، واللي كان أعلن وزير السياحة والآثار خالد العناني إن افتتاحه هيكون في أواخر 2020، بعد شوية تأخير حصلوا واتعطلت بسببهم عملية الإنشاءات بس حالياً هو من أهم الأولويات على أجندة الحكومة، خصوصاً مع حجم الدعايا والتسويق اللي بيتعمل كمان بعد ما قناة Discovery قررت تعمل 3 أفلام ترويجية عنه.

وعشان كده من وقت للتاني لازم يعلنوا عن شوية أخبار جديدة تشبع الفضول اللي عندنا واحنا قاعدين مستنيين كده؛ وآخر الأخبار اللي أعلنتها الوزارة كانت أسعار التذاكر المبدأية للأجانب واللي هتبقى 400 جنيه مصري (25 دولار) و200 جنيه (12.5 دولار) للطلاب الأجانب، ده غير أسعار التذاكر للمصريين اللي كانوا أعلنوها من فترة واللي هتبقى 30 جنيه تذكرة دخول المتحف و60 جنيه للتذكرة الشاملة اللي هتخليك تدخل المجمع المتكامل في المكان.

المصدر: Egyptian Streets