share this article

بنشوف في الأفلام جزيرة كده معزولة عن العالم الخارجي، وعشان يتواصلوا مع العالم كانوا بيسافروا أيام وليالي رايح وأيام وليالي راجع وموال كبير، وكنا متخيلين إن ده في الأفلام بس، لكن ده الواقع في جزيرة سانت هيلينا الموجودة في المحيط الأطلسي.

سانت هيلينا عبارة عن جزيرة بركانية صغيرة موجودة في المحيط الأطلسي، معزولة عن العالم تماماً، وصعب جداً ناس يوصلولها، عشان كده البريطانيين اختاروها لنفي نابليون بونابرت سنة 1815، بس دلوقتي الوضع اتغير وهيتعمل رحلات طيران ليها.

الخطوط الجوية المتحدة عملت رحلة جديدة، بدون توقف، من نيويورك لمدينة كيب تاون، هتبدأ من 15 ديسمبر الجاي، كمان شركة طيران "إير لينك" اللي مقرها في جنوب أفريقيا، هتعمل رحلة كل يوم تلات من أول 3 ديسمبر لحد 25 فبراير، ما عدا عيد الميلاد وراس السنة.

الجزيرة دي أصلا مكنتش موجودة على قائمة شركات الطيران التجارية غير من سنة 2017، وكان فيه سفينة اسمها "RMS St. Helena" هي الرابط الوحيد بين الجزيرة والعالم الخارجي، وكل 3 أسابيع كانت السفينة بتعمل رحلة مدتها 5 أيام ونص، من الجزيرة لكيب تاون.

المصدر: CNN