share this article

أبو ظبي فازت للمرة الثانية على التوالي بالمركز الأول باختيار قراء مجلة Travel Weekly 2019، عن فئة أفضل الوجهات السياحية في الشرق الأوسط.

الجايزة دي مش الأولى اللي تاخدها أبو ظبي السنادي، من قريب برده خدت جايزة أفضل وجهة تجارية في الشرق الأوسط من ضمن جوايز السفر العالمية، وفي شهر مايو اللي فات.. تم تصنيفها من  شركة club med الفرنسية المتخصصة في تنظيم الاجازات، كواحدة من أفضل 10 وجهات سياحية عائلية في العالم.

الحقيقة إن الإمارات عاملة شغل عالي جدا في مجال السياحة، وبتحقق إنجازات كتير وبتنفذ أفكار مختلفة ومبتكرة جدا، وقدرت تحقق زيادة بنسبة 5.8٪ في عدد الزوار في 2018، ده غير إنها أسست فعاليات سياحية جديدة زي أسبوع أبو ظبي للتحدي، وأسبوع العائلة أبو ظبي، وقصر الوطن.

 المصدر: العين