share this article

كلنا لاحظنا إن السياحة رجعت انتعشت تاني، وشوفنا الأرقام اللي مصر حققتها واللي وصلت لأعلى معدل في 2019، ومع كل شغل وزارة الآثار والسياحة وكل الإكتشافات الأثرية اللي كان آخرهم كهف في سينا عمره 10,000 سنة، وكذا دولة رفعت حظر الطيران، والمتحف المصري الكبير اللي العالم كله مستني افتتاحه -ومؤخراً أعلنوا أسعار التذاكر بتاعته للمصريين والأجانب- والمفروض خلاص يفتح آخر السنة، غير طبعاً المطارات وكل التجديدات اللي بتحصل، المهم ده كله خلى الناس بتيجي وهتيجي ومصر وجهة موجودة على قوائم سفر كتير لـ2020، وطبعاً المتوقع إن الوضع يفضل يتحسن ويطلع لفوق.

قوم إيه بقى؟ ينزل وزير السياحة والآثار خالد العناني بقرار مش متوقع خالص، لمدة سنة وهي 2020 مفيش ترخيص لأي شركة سياحة جديدة، يعني لمدة سنة مفيش حد هيفتح شركة سياحة، القرار ده كان طلع في الأساس سنة 2011 وبرضه كانت السياحة عاملة أعلى أرقامها في 2010، ساعتها قرروا يوقفوا التراخيص لمدة سنة، وفضل القرار يتجدد كل سنة بعد ما يستشيروا الجهات المعنية اللي بتشوف إن البلد مش محتاجة شركات سياحة جديدة.

المصدر: Egypt Today