share this article

شركة طيران الإمارات بيشتغل فيها ناس من حوالي 160 جنسية، ده غير إن كل رحلة ليها بيكون عليها ما لا يقل عن 50 جنسية مختلفة، عشان كده قررت تحتفل باليوم الوطني وعام التسامح بـ"رحلة تاريخية فريدة من نوعها"، آخر شهر نوفمبر.

الرحلة هتكون على طيارة "إيرباص A380" لمرة واحدة، والشركة بتسعى إنها تجمع أكبر عدد من الجنسيات احتفالا بالمجتمعات والثقافات المختلفة اللي بتعيش في الإمارات.

الطيارة هيكون عليها من الجنبين زي بانر لـ"عام التسامح"، عليه أشخاص من خلفيات وثقافات مختلفة ماسكين إيد بعض، وهتاخدهم في رحلة عبارة عن جولة ممتعة في أجواء الإمارات.

الشركة فتحت باب المشاركة في الاحتفال ده للمواطنين والمقيمين في الإمارات، وآخر فرصة ليهم للتسجيل هيكون بكرة.

 المصدر: CNN