share this article

في الفترة الأخيرة الدول بقت بتهتم توفر في مطاراتها سبل ترفيه كتير أوي، شفنا ده في مطار حمد في قطر اللي بيستعد بتوسيعات عشان كأس العالم 2020، وفي التوسيعات دي هيعملوا حاجة زي مطار ماليزيا اللي بيخلي رحلتك فيه كفاية لو معدي ترانزيت ومعندكش مساحة الوقت عشان تدخل ماليزيا أصلاً، وعلى نفس الطريق مطار الملك عبد العزيز في جدة عملوا حوض سمك عملاق، وهو أكبر حوض سمك موجود جودة مطار.

الحوض اللي كشفوا عنه في فيديو على الحساب الرسمي للمطار على تويتر، الحوض ده طوله 14 متر وقطره 10 متر وبيشيل مليون لتر مياه، فيه 2،000 نوع سمك منهم أنواع نادرة، وفيه شعاب مرجانية من البحر الأحمر، الحوض ده مش للترفيه عن المسافرين لكن كمان عشان يكون لمحة عن جمال الطبيعة في شواطيء جدة، وزي كل المطار اللي مستوحى أسلوبه المعماري من التراث في جدة؛ المطار ده رغم إنه جديد لكنه من أزحم مطارات المملكة ووصل ل100 مليون مسافر في سنة 2018، لأنه المطار الأساسي لكل الحجاج والمعتمرين.

كل دي خطوات في طريق المملكة إنها تكون وجهة سياحية مع كل التغيير اللي شفناه الفترة اللي فاتت والترويج اللي على السوشيال ميديا ده بيخلي الإهتمام بالمطارات منطقي جداً وفي مكانه لأن دي أول حاجة بيشوفها السائح أول ما يوصل البلد. 

المصدر: Saudi Gazette