share this article

كلنا قضينا ساعات أدام قناة سبيس تون بنتفرج على كارتون ورا كارتون بس أغلبنا إتسحل جوة عالم البوكيمون، وياما تخيلنا نفسنا أش وبدأنا نجمع البوكيمون، وطبعاً دخلنا مقايضات وإحنا بنلعب بالدواير اللي بتطلع في الشيبسى وعليها بوكيمون، بس كانت بقى قمة الإنبساط لما لعبة Pokemon Go نزلت وبقى العالم ده لمحة منه حقيقية.

في اليابان فندق Mimaru عملوا أوض بوكيمون، اللي هو بتفتح الباب تدخل عالم البوكيمون على طول، الحيطان مليانة صور وروسومات كائنات البوكيمون، والسراير وأماكن الأكل عليها البوكي بول، كمان كل أوضة فيها سنورلاكس كبير، مش حقيقي لكن دبدوب محشيP أصل مين هيساعدك تأنتخ وتنام غير الخبرة، كمان فيه حبة هدايا بوكيمون فوط عليهم رسومات، وكمان شنطة مع حبة حاجات تانيين، الفندق ده له فرعين واحد في طوكيو، والتاني في كيوتو، ممكن بقى تروح هناك لو بتفكر تحضر الألعاب الألومبية طوكيو 2020 وتبقى ضربت عصفورين بنفس الحجر. 

المصدر: Daily Hive