share this article

من كام سنة، الإمارات أعلنت إنها هتعمل ثورة في عالم وسائل النقل، وإنها هتستحدث وسائل النقل فائقة السرعة على أرضها، من خلال مشروع شركة "هايبرلوب وان" اللي هيكون عبارة عن كبسولات بتنقل الركاب بسرعة ألف كيلو متر في الساعة، فيقدروا يسافروا من دبي لأبو ظبي في 12 دقيقة بس.

المشروع اللي بيشارك في معرض دبي الدولي للسيارات والمركبات الحديثة، مش هيكون مقتصر على السفر جوه الإمارات بس، لكن كمان هيسهل السفر بين الإمارات ودول الخليج، فمثلا الرحلة بين دبي والرياض مش هتاخد وقت أكتر من 48 دقيقة، وبين دبي والدوحة حوالي 23 دقيقة، ودبي ومسقط 27 دقيقة.

هارج داليوال المدير الإداري لـ "هايبرلوب وان" في الشرق الأوسط والهند، قال إن الكبسولة هتقدر تنقل 16 ألف مسافر في الساعة، بحيث إن كل كبسولة هيكون عليها 20 راكب، وهيكون ممكن إطلاق كبسولة كل 30 ثانية في الخط الواحد، من غير أي مشاكل زي إنها تخبط في كبسولة تانية، أو تخرج عن مسارها، لأنه هيكون فيه مسافة أمان بين الكبسولة والتانية حوالي 5 ميل يعني حوالي 8 كيلو.

 المصدر: Gulf news

المصدر: Flickr/Paul Sableman