share this article

مفيش شك إن طول الفترة اللي فاتت كلنا شايفين حجم المجهودات اللي بتتعمل عشان تجذب سياح أكتر للبلد، من ضمن الخطوات دي قرار جديد من المجلس الأعلى للآثار بإنهم يخفضوا 50% من أسعار تذاكر المتاحف والأماكن الأثرية في منطقة صعيد مصر في شهور الصيف تحديداً؛ واللي من ضمنها كل المتاحف في الأقصر وأسوان وقنا.

غير تخفيض أسعار التذاكر كمان؛ وزارة السياحة والآثار شغالة حالياً على نظام جديد لشراء التذاكر عند المتاحف من خلال أكشاك بيع متطورة تخلي الموضوع أسهل وأسرع للسياح والزوار اللي داخلين أي مزار أو متحف، وطبعاً اللي هيكون أسهل من ده هو النظام الديجيتال واللي هيسمح للناس تشتري التذاكر بتاعتها أونلاين، بالظبط زي ما بيحصل لما تكون مسافر برة وتشتري تذاكر كل المزارات والمتاحف قبل حتى ما تسافر، ده بيوفر عليك وقت ومجهود وطوابير وانتظار في حالة إنها في الغالب بتكون أكتر مزارات زحمة والناس كلها بتروحلها .. خطوة متأخرة شوية بس أكيد إنها تحصل حتى لو متأخر أحسن من إنها متكونش موجودة خالص.

المصدر: Egypt Independent